031222 (星期一) 凍

今日係第一日返工。‧‧

上一個sem已經挑戰o左自己o既極限有4日八半，今個sem-break又再一次挑戰自己極限‧‧‧日日返七點...今朝早起身返工，天都未光就已經要出門口!完全覺得自己好可憐，仲要返成十幾日=_="

企係個售票處度呆企，係間唔時先要做下問卷‧‧‧企企下好快就2個鐘。之後約埋珊珊返hall，因為我要拎返d琴書而珊珊要拎返份功課。返到hall hae左一陣又目訓o左一陣，食埋o野就返返大埔繼續做我苦悶o既工作。成一點先係hall離開，好彩好快就有261搭，所以冇遲到^_^"

夜晚約o左小正食飯，約o左佢係大圍火車站。係個月台度等佢‧‧‧因為太支力所以我坐低o左‧‧‧眼見小正係我面前經過但係佢完全見唔到我~ 樣衰!佢仲要自己坐o左係隔離o個排凳度，係我望住佢好耐佢先見到我^_^"

我o地出o左TST食巴西燒烤，不過本來梁先生C BOOK左係尖東食但又未夠鐘，所以行下行下我O地就行O左去凱悅O個邊個間食~ 食到超勁飽同埋傾O左好多計、問O左好多假設性問題‧‧‧搞到我都唔知點答佢好^_^"

返到屋企都十二點幾喇‧‧‧好支力~ 疲倦指數達十粒星!
z______z 聽日放假‧‧‧可以目訓晏d...