其實我都唔希望自己轉工轉得太密,不過呢間公司(或者應該講個老闆)--我同佢真係夾唔埋,其實仲有好多原因,不過費時係度講,唔想好似唱人地咁.不過,我真係諗清楚了.

好!有機會同你地詳談點解我又想走啦~

因為我一向都標籤自己為安於現狀派,所以我宜家發現原來自己唔經唔覺有咁樣既改變,咪想寫一寫出來~

係呀,果晚返完舊公司幫手後,我真係想繼續做翻譯工作,不過唔會係呢個範疇呢間公司,我諗清楚架啦~

又係既,好多野唔試真係唔知,好似我咁一年轉幾次工,份份唔同,中間仲可以放下假都唔錯0家^^不過就真係要睇定d先好再轉,成日轉工都唔係真係咁好玩~~

想轉就轉啦

我支持你

有時..唔安於現狀都未必係壞事..好多野唔試過..點知係咪真係岩自己呢..人一世物一世..試左唔得咪算囉..點都叫試過

正如之前所講過，我都試過同你一樣有咁既想法
新公司點都好似唔及得舊公司咁好(除左工作量之外)....好似好唔適應，好想走，入返舊公司做...
但係最後我都冇咁做，依家適應左好多喇...同d同事都ok丫...

你想要離開你依家既公司，我會支持你既決定
你想繼續做返翻譯既工作，我都會支持你~~
但係如果你想返去以前間公司度做既話，我會勸你再認真咁考慮一下...