今朝好早起左身去影巴士.今次目的地係太和同大埔.因為我想搭74A好耐,架架74A都係熱狗,唔使好似其他線咁呆等等熱狗.

我行左落去觀塘搭,費事慢慢等16M轉乘,我搭個架係S3N232,都有14年車齡啦.架車d車窗好dirty,冇計啦,九巴都就黎"湯"佢......

搭左成個幾鐘,先去到太和,坐到個人都有d倦..我對上次經過太和,就係03年搭70號個次,咁又成年半啦.....

影左幾張,就去左大埔中心,跟住行去富善,不過富善就麻麻地,一條線一條車坑...
跟住又去埋富亨,富亨比富善好,起碼個總站係露天ga^.^我影左一張71B,最可惜就係71B轉左全冷,唔係我都會搭下,因為佢係九巴最平既路線.

我覺得大埔都唔係好難,相比起將軍澳同天水圍,不過大埔都有好多橫街

Then又返番大埔中心,再返太和.搭S3N283.又係巨龍,冇MCW....不過S3N283裝左報站器,上層冇"啦巴"都好大聲,勁!!!

係四美街又例牌係咁停紅燈..12點幾出返到觀塘,係觀塘Ferry行返屋企....少d腳力都唔得

下次又唔知幾時再去lu