上周六, 我同幾個朋友分享月記~序內的內容時, 有人提醒我一個以前曾經聽過的"朋友分類法":
點頭之交-->朋友-->老友-->死黨-->知己

這個分類法都幾有趣又幾複雜, 因為到依家我都未明"老友"同"死黨"點分, 比較stupid. 但係係咪真係有咁既需要分得咁複習呢? 我真係諗唔明.

好多謝有兩個friends回應我, 睇完佢地的回應, 我至真正覺得每一個人的 “觀點” 與 “角度” 真係好唔同, 又或者話我同佢地的唔同啦, 因為在我尼講真係一直都將"知己""好友"一起講的, 只要係我"信"得過, 傾得到"心事"的, 又"玩得埋"的人, 都會成為我的知己好友; 的確有d好朋友只介乎大家傾得埋, 玩得埋. 咁所以在我世界中有好幾個知己好友的, 包括回應我的兩位人士, 但係雖然我一直當佢地係我的知己好友, 但其中一個我知道在他方我永遠唔會係佢知己, 另一個一直到最近以及留言中我才可以肯定我有排都未必可以成為她的"知己", 因為大家的定義根本唔同, 亦使我明白why她和她可以咁fri.

可能有好多人話我有好多朋友, 這個"朋友"的介定我同佢地又唔同喎, 這些朋友中好多只係"點頭之交"和"普通朋友", 其實問心, 我唔係有好多朋友, 只不過外間的人覺得我以前好開朗, 好容易識到人, 係...識到點頭之交lo, 我近幾年都好少好少致電俾熟的朋友, 更加唔好講係普通朋友啦! 不過我都同意中學時代的朋友係最持久和好的, 因為到now keep住的無論係所謂的老友、死黨定知己都係中學的時候識的, 亦係最熟的, 咁所以我諗我可能一世都唔會有人地所謂的”知己”, 之不過我會enjoy有我的世界中的”知己好友”, 因為佢地一旦成為我的”知己好友”, 就係永遠的了, 這對我來說是不變的, 可能對方唔係咁介定我, 但so what? 我唔可以逼人的, 只要大家依然能夠坦承相對, 這對我來說已經好值得我去珍惜的了.

另外, 我承認現在的我的確比以前諗野多左, 但識我的人都知道點解, 但唔代表我”圓滑”左, 只係我唔鍾意亦唔希望自己會講出一d hurt到別人特別係我的好朋友好知己的說話, 因為這是神所不喜悅的. 在基督徒的生命中有好多野都需要改變的, 這亦是我近幾年減少了”火氣”的原因吧! 而且隨住時光流逝, 我整個人都變得冇以前咁爽朗了, 可能係生活環境中日積月累而成吧! 加上平時我都會不夠精神, 所以都未能全情投入, 當我真係好精神好興奮的時候你地又會驚的了, 我自己都覺得越來越似一個沉實穩重的男仔, 多過似一個成熟的女仔, 唉~~~ 睇黎我得閒都要大變身架la! 不過可能都要等多兩三年至會得閒lo~~ 大家等o下啦!

諗~~ 最後我希望我所有的朋友, 當你地對我有任何的意見和不滿時, 請直接同我講, 唔好收埋呀! 因為咁對我黎講至係最好, 且我地的關係是最真的, right?! And 我祝我身邊的每一位朋友(不分類別), 都能日日開開心心, 永遠幸福, 這是最重要的, 我會為你地禱告的. 　～　　＜LOVE＞