2009-01-26 14:42:26小雲雲
回顧: 愁雲慘霧十二月
十二月話咁快就黎完了, 整個月都過得好辛苦, 先係金融風暴搞到我公司上上下下都大地震, 成間公司都大改革, 唉!! 無眼睇~~ 話唔定會震到埋身添~~ 加埋好無趣味的生活, 得個"悶"字~~
然後到十二月九日的早上, 從一個朋友口中得知一個朋友出事了, 可以話因為佢的無知同白痴而做錯事, 到依家我都仲未有機會見到佢, 如果俾我見到佢, 我既想罵佢白痴, 亦想為佢喊, 因為我真係為佢心痛的...
再到十二月十日, 一個難以忘記的日子, 一位在零五年認識的朋友, 過世了; 慶幸當日早上能收到消息, 仲可以請半日假上珠海見佢最後一面, 雖然佢未必知道我晌到, 但我相信佢感覺到到最後一刻仍有一班朋友晌身邊的, 我好記得佢最後一個眼神, 我好似感覺到佢想講咩咁: 唔捨得家人, 唔捨得女朋友...
雖然到佢出殯當日我請唔到假去珠海夏灣, 但真係慶幸能見到佢在生最後一面, 還記得對上一次見面時係我地"自由行"成員食飯的時候, 已經係六月的事了, 估唔到半年後會變成咁...
可能係我EQ低, 我花了半個月時間才可以稍為平伏到自己的情緒, 我無辦法好似另一個朋友咁, 覺得我地只係佢周邊的朋友, 佢女朋友都可以無事咁坐晌到, 我地尼D周邊的人亦應該無事至係, 我接受唔到, 每個人的感受都有不同, 根本唔可以用尼個作為藉口黎安慰自己, 別人旳感受我唔想給予意見.
當我晌醫院見到佢的時候, 我諗起六年前過身的一位高三同學, 一位很念熟的朋友, 一位令我有好多回憶事情的朋友, 他當時是突然去世的, 至今我仍不知道原因... 好彩今次尼個朋友的去世尚算知道因由. 但當我想到佢兩個一個又一個的共通點時, 我無辦法平伏得到自己...
畢竟我地都是有保持聯絡的朋友, 丫~~~~~ 就當我EQ低吧! 點解我D朋友要比我早死架??