周六下午參加左一個朋友的婚禮, 一個只係大我兩年的朋友的婚禮, 去之前其實我基本上都知道佢地點解依家結婚, 同婚禮內容係點, 因為我收貼時已經問左新郎哥.

不過去到之後仍然俾佢個流程同內容搞到我哭笑不得, 其中有一段說話幾特別的: "在一生中, 我最睇重兩個禮, 唔係讀書時的開學禮, 亦唔係畢業禮, 而係婚禮同葬禮, 因為在尼兩個禮上, 所有親友都盡可能會到齊, 但葬禮時我講唔到野, 所以婚禮時我要講多D野" , 嘩~~~~~~~~~ 型到爆!


題外話:
婚禮開始之前, 由我走入教堂開始, 我就見到好多似曾相識的面孔, 但好多我都叫唔出個名, 只係不斷"say hi, 你好呀! 好耐無見呀..." 緊係啦, 我成一年幾無返過教會了, 緊係耐無見啦! 唉, 無奈, 哥時我諗, 唔知下一次又係幾時我會再咁樣見到尼到D人呢? 到時唔知我又係抱住一個咩O既心態見佢地呢?