昨晚真的夜難眠, 可能因為昨午去左做推拿治療, 做完痛到癲, 但仲自己一個行街, 洗左百幾蚊嚮d零碎野上, 仲行左幾個鐘, 我都勁!! 結果夜晚瞓覺因為推完好痛, 在床上滾左個幾鐘至瞓到, 慘!!!

咁本來已經瞓得唔好的我, 除左成晚有好多零碎的夢出現外, 天光時仲發左個大大地的, 好奇怪的, 我諗都要找人黎解下夢至得了~~

我見到在一個好黑的地方, 有兩個男人, 他們是無線電視以前的男藝員, 今年應該都有四五十歲架拿, 個樣我記得, 但唔記得個名了, 夢中我見到其中一個人(簡稱A君)同另一個人(簡稱B君)講: "尼到的夜景好靚呀, 好開心呀, 好開心呀, 跟我黎丫!!" 然後好開心咁向前跳下跳下走, 另一個人則跟著他, 不停叫: "係尼, 我都話尼到靚架啦! 但你都等埋我丫...!!" 佢地走到去一條長樓梯, 真係好長好長, 加上係夜晚, 又好黑好黑, 根本睇唔清前面的梯級, A君依家好開心咁向前邊跳邊走, 不斷叫B君跟住佢, 但B君就不斷叫等埋佢, 又叫A君要小心D, 因為前面好黑!! 就係咁尼兩個人一直咁向前走, (我夢到這裡時係有D驚的, 因為哥到又黑又危險咁), 突然A君往前一跳~~ 就不見了他, B君再往前一點看, 原來前面甚麼都沒有的, 漆黑一片...

看到此, 我突然醒了, 心裡回想一下, 覺得個夢好陰濕恐佈咁, 而且奇奇怪怪的, 真的不明其意????