上回講到我早幾日去完旅行返黎, 去泰國頭尾五日遊, 最難忘的有幾樣野:

1. 最難忘的海灘~芭提雅的珊瑚島, 雖然我唔識游水, 亦怕水, 所以無玩水上活動, 但見到個水清沙幼的海灘, 好靚好靚, 好想永遠留響哥到 :) 不過哥到好熱 :( 但響哥到周圍行下睇下坐下拍下照, 時間好快就過左幾個鐘, 人地玩得興高采烈時, 我就樂得逍遙, 哈哈, 真好!

2. 最難忘的水災~在夢幻樂園內, 同班年青團友去玩沖水梯, 但我地又衰喎, 濕完一次又站響個吊橋上等人地個船沖落黎, D水沖灑上個橋到, 嘩~~~ 哥野濕到仲誇過之前自己坐隻船囉, 都唔知邊個諗出黎的鬼主意~~~

3. 最難忘的恐懼~響芭提雅住的第二晚, 下午去完珊瑚島都仲好地地的, 夜晚出去睇完人妖SHOW同行左振街返到酒店, 都未夠十分鐘, 居然俾我發現自己張床有好多蟻從床下底走出黎, 激到我癲, 想捉又捉唔完, 於是打電話找導遊, 要求換房, 就係咁我同個朋友響個房內成二十分鐘, 我激氣到死咁制, 亦好驚D蟻, 有曱甴都好會捉到丫, 蟻喎, 爬左上身都捉唔到啦, 超驚, 我哥時仲同個朋友話 : ”會唔會床底藏屍呀? 咁多蟻既!!” 佢話我都傻既, 自己嚇自己 ~.~ 到之後換左房, 我仍然又驚又激氣地響個房內走來走去, 又唔想訓咁, 最終我成二點幾至訓, 唉!! 第二日好頭痛呢!

4. 最難忘的活動~拜四面佛, 我好多年都無拜過神佛了, 但居然響泰國拜佛喎, 雖然無拜灑咁多個見過的佛像, 亦唔算好神心, 不過真係曾經有諗過想藉此得到平安的, 仲聽人地講(一言驚醒地)買左條平安繩打算放響車到添, 因為渣左尼架車之後都俾人撞左幾次, 架車又無端端俾人整爛, 好傷心! 點解會咁既呢? 或者我個心真係無咩平安同安全感掛!! 亦可能自己好想俾人照顧番掛!!! 一向我俾人個感覺係哥D好識照顧自己好識照顧人既人, 其實自己都幾想知道小鳥依人既感覺係點!! 記得以前既我係好ENJOY俾一D大過我既哥哥摸個頭的, 可能因為我由細到大都係同三個哥哥玩大的, 而且覺得咁樣好有安全感同俾人珍惜既感覺, 所以好喜歡, 不過人大左, 尼D情況同感覺已經不再發生, 留下的只有回憶!

5. 最捨得去買野, 我居然今次旅行都算幾捨得地去買野攞, 以我性格係好出奇的, 因為我係哥D三思而後行, 行而所不行的人, 即係諗完一大輪都未必會買的人, 雖然今次個TRIP都有咁既情況發生, 但係都係買左唔少野返黎, 好似買左個大象抱抌同頸鏈咁, 奇怪!