早兩日因為公司ge野提早做完, 於是三點半左右就同亞頭講出去財政區搞我自己ge野, 因為之前份兼職既職業稅登記未取消, 拖到近日至去搞.

去到財政局拿飛仔後發現太多人, 有排至到我, 適馮又要拿東西返舊公司, 於是特登去對面街買野食上舊公司, 順便探舊同事, 上到去見到大家都好開心, 剛巧經理們不在, 同事們又唔係太忙, 所以都可以停下來傾兩句計 :p

舊上司見到我似乎都幾開心, 仲話我使咩咁客氣買野食上去, 我答佢無所謂啦, 大家開心咪得攞! 之後佢特登推我入房仔內, 話我知佢就走了, 已辭職, 10/4 LATE DATE, 因為太辛苦, 咁我都明既, 尼個部門係事倍功半的, 不過佢話响我之後ge兩個parttime同事都較有自己的想法, 以致做野表現一般, 佢仲讚我以前做野肯學同聽教添, 聽完都幾開心, 記得我二月辭職時他好唔想我走的, 仲話有佢响到一日如果我想返去做, 佢都會幫我, 不過依家已經無可能了, 因為佢就走. 但係佢尼幾句說話再次提醒我, 在公司內做細ge要識做, 唔好多口, 如果上司係D鍾意講意見ge人, 自己就由佢講到夠, 諗番依家做緊哥間公司內, 可能同上司太熟, 有D過火位咁, 所以都係時候後退番, 保護一下自己, 免得好似以前咁, 攻擊到人都唔知, 咁就大獲了...

話說回來, 另一個部門ge主管亦有問我要唔要返黎做, 哈哈我即刻答佢一句:我知你要人用呀, 我見到你個部門登報紙丫! 頓時個個舊同事都話我仲有留意佢地ge消息呢!

最後, 舊公司ge HR同事仲陪我到財政局添, 兼且傾計, 哈哈, 尼次返去係對的, 因為可以同同事傾下計, 佢地個個都好好, 又傾得玩得, 我做過咁多份工, 尼間公司ge同事係最好的了, 可是流性亦係最大的. 唔知下一次我再上去時又會有咩變得呢?