電車說:做我就真真悶。前面的將來一早已被人鋪定, 每天也只能慢吞吞按著路軌走,連轉彎也不可以。 如果可以做巴士就好了, 一樣平靚正0者...

巴士說:做我真真無奈。身體固然笨重, 行兩步就停一停,鬼咁多站。雖然無軌, 一樣要依足別人編排的路線走。如果可以做小巴就好了, 一樣跟路線0者...

小巴說:做我真真麻煩。入站埋位等客要俾錢。找錢之餘又要掛住個客邊度上,有冇後數。目及客眼要快,落客耳又要靈。如果可以做的士就好了,一樣多勞多得0者...

的士說:做我真真危險。個客分分鐘係賊.醉鬼又會嘔。自己想去廁所也麻煩。若是聽董伯伯話換了LPG,全港得四個站,隨時跪低冇得行。如果可以做私家車就好了,一樣周圍走0者...

私家車說:做我真真捉蟲。以為想去邊就去邊,實則最多時侯就是在停車場兜來兜去找空位。在街上又是得個塞字,巴士埋站阻住晒。如果可以做地鐵就好了, 一樣方便0者...

地鐵說:做我真真搵笨。話就話快,但其實上上落落月台大堂一樣要時間和腳骨力; 話就話唔用石油環保, 實則埋站時噪音嚇死人, 車廂空氣又混濁。如果可以做就電車好了, 一樣依軌而行0者...

5/02