今日唔知點解又好忙，不過竟然忙完都唔知自己做過o的咩 =.="""

Lunch@公司，四洲樂麵館北海道帶子拉麵1包。

因為有唔同o既相熟同事升職/離職，所以攪到食o左3件西餅同4件半雞批，完全唔洗食晚餐。

樂香園雞批，都算係出名，而今日係第一次食。
可惜，感覺係名過其實‥‥‥

因為大批採購Share，所以有個幾靚o既大紙盒裝住。
不過，都唔知應該讚佢皮薄，定係話佢包o既技術差好，竟然有幾隻自己沿批面坑紋完全解體？！？！？！o的餡走晒出o黎，攪到唔知點拎起o黎食 >.<

其次，即使完整o既，睇落都隻隻金黃程度有差距，Size有差距，連個樣（圓唔圓、高矮、坑紋深淺）都有差距 =.="""

食落，個皮略硬，尚算酥，但都唔明點解o禁易解體。
o既餡有洋蔥、火腿同雞柳，都OK，但唔覺得同其它茶餐廳有大分別。

不過，起碼其它茶餐廳，成盤會個個差唔多樣，睇見都開胃o的，食得Happy o的。