訓醒，已經無掛風球，果然來去匆匆~

o係Physical運動，仍然以低Loading式進行。

離開已經16:35，所以無食o野，直落晚餐。

Dinner Buffet@Cafe Marco，滿足。

首先，時間已經感覺良好：18:30-00:00！！！
雖然食唔到o禁耐，但見到都可以開懷慢慢食~

食o左好多咸咸地o既長腳蟹腳，保守估計有15隻~
當然，唔努力等同望住，係唔會食到o既‥‥‥

三文魚刺身無限量Re-fill，但切到好碎。
有半隻凍龍蝦，但搶唔到 >.<
得凍龍蝦鉗，好在已預先打出裂紋，好易開。

燒火雞片：無特別
希臘蕃茄湯：好明顯係蕃茄汁 @.@
鮑魚螺肉猴頭菇湯：好味、足料
紅酒燴羊脾肉：唔太咸，炆得夠稔

蛋糕整體都好滑，不過唔多欣賞個日式芝士蛋糕，可能因為太正宗而接受唔到。
Movenpick雪糕任食，但除o左朱古力味之外，其它綠茶、紅豆、開心果同碎朱古力味都唔多欣賞。

每人半隻粉絲蒸龍蝦同一隻葡撻，但因為太遲出，所以無食。

Crocs可能9月就結業，到時唔知會唔會鱷魚鞋大減價呢？