Lunch將個美心雙黃白蓮蓉月餅用刀挖出蛋黃後，就食晒落肚~
蛋黃，就由陳水同阿姐解決。

Dinner@新星，幾好味o既茄子。

今日東亞銀行擠提，因為傳佢由於o果少少雷曼/結構產品而會倒閉；
其實睇返香港銀行股o既資產組合，除o左匯豐之外，無任何一間會有大o既倒閉危機。
匯豐o既錯誤投資策略，好快就需要付出大額虧損o既代價；
當然，如果匯豐有事，香港同英國政府都會出手支持，所以應該會最後無事。

至於迷你債券，我支持銀行賠錢俾因銀行職員Mis-selling而買o既客；
不過，可能等於全部要賠$$$。
其實每隻迷你債券，都有1份小型單張（如A6大，多數客會得到），1份大型單張（如A4大，多數客會睇到個銀行職員用佢o黎Sell），1本銷售章程（好似股票招股書o禁大，但擺o係倉唔派）。
本銷售章程，我寫包單全香港Sell迷你債券o既銀行職員，睇完其中任何1次o果1本o既人，唔夠10個！當年我o係東亞做o左半年，有3次迷你債券，但全行十幾個Sales得我1個睇完其中1本（仲要正正係雷曼發行‥‥‥），而其他同事無睇過就sell無風險高回報，無提過有咩風險，絕對係Mis-selling。
雖然，當年雷曼唔似o禁短命，但其實的確係客人有須要知o既地方。