過去一週，做o左少少投資調撥：
1. 以HK$5.953沽出o係豐明o既NZD，得微利0.32%；
2. 沽出AIA份101 o既天達環球策略基金-環球能源基金A收益股份，轉為平分投資於景順亞洲棟樑基金-A股(累積)及施羅德環球基金系列-台灣股票A1股；
3. AIA份101張唔再供貝萊德全球基金-貝萊德世界礦業基金A2。

雖然我相信美元會持續偏弱，但由於通脹，可能被逼加息，故唔可以睇得過淡；
紐元雖然息高，但由於經濟轉弱速度較預期快，所以可能好快就減息，並利淡。
減持紐元，可以減低投資風險。

由於我覺得油價短期未能升穿US$150，會回落US$120以下，所以先行沽出能源基金，待US$100附近再投資相關類別。
有見台灣股市已較早前回落唔少，而馬英九遲遲未見有明顯新政策去刺激經濟，所以開始投資該市場，等待有關政策出籠。
全球多國經濟轉弱，越南政府更受衝擊，影響亞洲經濟之穩定性；
唯我深信亞洲經濟之發展，有賴良好o既基建設施，所以開始投資於基建基金，希望得到逆市o既投資好出路。

不過，依家由於市場消息滿天飛，經常相反方向發展，引至風險過大；
歐非中東基金會有效分散風險，因為該處股市經常唔跟美國市場上落；
最好o既投資，應該係o係中小型銀行做港元1個月定期存款~

暫打算今個月底前，減持2800盈富基金，甚至進行股票戶口存貨清倉，以減低投資風險。