今朝o係佐敦公司足球隊踢波，對街隊時我因為錯誤估計敵軍o既射門，結果撞柱彈出之時撞到我呢個龍門o既後腳入網，成為o禁耐以o黎第2個烏龍波‥‥‥

下午去馬哥勃羅太子酒店，聽JF講IPO緊o果隻新基金——五行基金。
本身其實係礦產 + 林木 + 水資源 + 能源 + 商品股票大集合o既基金，其中40%係金屬，所以我會懷疑自己跟佢比例，去買2899紫金 + 美林世界礦業基金 + 910林大 + 領先動力水資源基金 + 857中油汽 + 荷銀基金-商品物料，回報會更高。
當然，IPO期內只收1%認購費係幾吸引；但10%表現費就略貴。

之後行落柏裕，上Smartone攪o既Nokia 6120工作坊，總算對自己部生豬電話認識多o左。

o係馬會睇J League，又係悶仗一場。

行過婚紗舖，好多人揀緊。
唔知過多半年經濟急速下滑o既時候，仲有無o禁多人結婚呢？