10月12日

今日收到消息，Call Centre位經理（舊老闆+上任暫代老闆+未來轉Department新老闆），兩星期後Last Day；LCD平時求救搵開o果位同事，下星期又Last Day，令我地會無Legal Advice。

盤算下星期Walter放假o果陣，我會點死：應該仲有幅骨，未灰飛煙滅。
Walter出智慧齒而牙痛；但客人可能因為體諒佢，所以令Client Retention成功率上升。

收工同父母家姐姐夫外甥去紅館，睇楊千嬅all about love 2007演唱會o既第1場。
成世人第1次入紅館，先至感覺到原來氣氛遠遠比事後買o既DVD好；不過睇到幾累，因為個頭要左搖右擺去睇佢：係個台太大，定係因為太近？
不過，由於坐得太近樂團，所以睇得最清係雷頌德。
有梁漢文同古天樂做嘉賓，不過好明顯古天樂o既掌聲多好多。

結論：如果有機會買飛，應該最近四百o既三百蚊位最舒服。

================================================

10月13日

返工做做做，做到OT o左7分鐘。

漫遊尖東百佳，點解o禁多道地綠茶賣緊？

19:30會合周生@OK，開餐食Dinner。
去睇楊千嬅all about love 2007演唱會o既第2場，不過今次前o左4行，到「臨時摺椅」區，仲要微背樂團，比琴日個位差o的；但勝在由於金屬地版，所以令地面配合音響震動。
八點半過o的開場，比琴日早多半個字~
第2場雖然較正經，但反而唱到喊。
仍然有梁漢文同古天樂做嘉賓，另加陳奕迅上台小小表演。

我肯再睇多次，因為琴日見佢表現幾好；而當年o係麵軒做o果陣，不斷聽楊千嬅同古天樂o既歌，以《閃靈》同《楊千嬅》佔最多，所以聽到都幾回味（o的雞扒？o的肉燥飯？）；不過周生更利害，睇完已經數得出成個演唱會，除《直覺》專輯外，每一張廣東專輯都有代表歌，不愧為樂壇通天曉。

由周生請客飲o野，多謝~
不過飲o野o既地方，必然係我地至愛o既Choices之一：7-11！（唔好問我另外兩間，要問都問森美同陳奕迅）