黐Call Centre同事叫翠華茶餐廳外賣，點知成個半鐘個後先至到，真係好難再幫襯下一次。
雖然唔多鍾意最高領導人Order必須出席今日個投資講座，不過既然有經理或AM請呢餐Lunch，就算喇。（都成HK$38 o既Set Lunch架~）
用8分鐘匆匆食完，就一行十人搭地鐵去萬豪酒店，趕及13:45到場。
工作量不多，亦飲o左杯幾香濃o既咖啡，同樽幾滑o既法國礦泉水。

16:45散水，就同Walter行落利園，上Convoy會合阿傳同傳嫂，再去灣仔會合周生，到德興打21:00後特價任食邊爐。發現集成間木田園都已結業，唔通已經全線結業？
其間阿傳借出PSP俾我同周生打日本麻雀，發現周生超級強勁，可以不斷升級~
吹水吹到成00:10，見証傳嫂由Design轉行到Financial Consultant，原來都幾大壓力。
佢問我點解唔同佢講Funds：我覺得依家佢又未學熟，我又未有疑問，更無興趣挑戰佢，所以選擇避而不談。
阿傳原來o係我屋企隔離間渣打開工，遲o的可以搵佢食Lunch。