5月23日

今日Manager放假，所以全Team人氣氛超級Holiday Mood。

Lunch@飯堂，粟米汁配叉燒炒蛋飯+ 羅宋湯。

琴日就食完行由星光行新遷到美麗華酒店o既商務，但感覺極差，冷氣唔夠+ 海景變馬路景+ Size縮水，所以遲o的真係想去睇書之再去過。

所以今日改去SmarTone，問跳台新出o既2G Plan優惠：
HK$50 Plan （550網外分鐘）：簽約30個月，連續30個月每月回贈HK$10；用自動轉賬，頭6個月每月回贈HK$5
HK$68 Plan （600網外分鐘 + 500網內分鐘）：簽約15個月，連續15個月每月回贈HK$12；用自動轉賬，連續15個月每月回贈HK$5
HK$108 Plan （1,200網外分鐘 + 800網內分鐘）：簽約12個月，連續12個月每月回贈HK$30；用自動轉賬，連續12個月每月回贈HK$8
另，要加每月HK$12隧道費。

其實幾半天吊，因為以我過往o既用量（3 o既HK$80 Plan，1000網外分鐘 + 400網內分鐘），第2個Plan就剛剛夠；但如果一爆，都幾大鑊……

漫遊萬寧，買o左包萬樂珠返公司。

傳嫂轉工做Convoy o既Agent，真係好想睇睇佢o既上司介紹咩101計劃俾周生。
其實周生應該已經水浸，好應該開始用返o的$$$投資；不過，都要睇買咩基金。

收工返屋企換衫，再去沙田同阿蚊去SmarTone，攪由3跳台過去。
2年前，由SmarTone跳去3，再去Peoples，再跳返去3出HK$0機價機，終於等到佢有平Plan喇~
決定簽用HK$108 Plan，反正比用佢無特價o既HK$80 Plan更平，6月1日啟用。

Dinner@大家樂，焗豬扒飯+ 凍奶茶。

之後去旺角中心Neway，23:00會合5位同事唱K。
可能o果間太多人，所以佢地無喇喇停止所有優惠，即係連常做o既9折都無。
唯一一位女同事，反而係唯一一個飲酒，不過都只係啤酒2罐而已。

============================================================

5月24日

2:00，呢位女仕就離場，改由另一位男同事入席。
今次唱K o既Key Point，係睇2:45開場o既歐聯決賽。
第一次出夜街睇波，原來幾個人睇氣氛比自己一個人睇好好多；不過好貴，肉赤 >.<
5:00睇完頒獎禮後散場，共飲o左凍奶茶+ 凍朱古力+ 凍檸七+ 凍檸蜜各1杯。

慢慢行返屋企，睇住個天漸光。聞到樹葉發出清新o既香味，好獨特。
條街都幾多人，見到好多公公婆婆已經出街行，甚至已經坐o係酒樓等茶市開始；另一面，就見到可能係睇完波，好多飲醉酒o既人（女仕佔絕對多數），情境幾得意。

5:35返到屋企，沖涼後已6:10，錯過o左日出。
訓到14:45，滿足。

清水做午餐，清清腸胃。

阿蚊個Friend又係供銀聯MPF，希望佢會明白面對高風險，可爭取較高o既預期回報喇。

Dinner@Ruby Tuesday with蚊，焗薯皮+ 超級漢堡+ 炸洋蔥圈+ 濃情朱古力，好Full。
創興信用卡張單張寫食滿HK$300就減HK$100，但個侍應就話要減完仲仍然超過HK$300至得；叫佢俾張單張我睇，佢又話應該係創興印錯，所以照減俾我。

依家，我至記起今日係佛誕 =.=”
睇o黎，當年建議佛誕放假o果個，一定係信佛；俾我，寧願抗戰勝利放假更好。