今日Manager放假，所以無o禁多其他Dept o既訪客。

朝早Briefing無用，但氣氛良好。

Lunch@廣東燒味，鹽焗雞好滑。
開始懷疑，點解每次Walter話事都係燒味？唔通元朗太多腊味，無乜燒味？

下午o的客質素較高，所以打Call速度上升。

Dinner with 大家樂焗豬扒飯+熱好立克，飽。

返到屋企，難得無人，所以播《Looking》聽。
一邊聽，一路諗o左好多好多o野。

其實人生目標唔多，甚至依家都仲搵緊點訂新人生目標。

如無意外，今年愛情食白果o既機會過大，所以唔值得放時間；點知突然發現，原來我條Deadline已經越o黎越近，情況又不大容許我放手……
當然，條Deadline我決定唔會再移第2次（之前o係25歲結婚），因為始終已經打亂我之後o既Planning，再移就不如唔結婚。
除非，放棄手上所有Planning，變做另1個人。

當然，我都希望「她」的出現，令我完全戒賭、戒打麻雀。

不過如果有1日，變做另1個人，我唔買、唔提股票，會唔會嚇親每1個識我o既朋友？唔睇基金，我又會睇咩呢？唔理外匯，又會理咩呢？
成日講粗口？唔鍾意沖涼、乾蒸桑拿？成日飲酒？唔儲錢、借債渡日？

情況未必極端，不過係有可能……
所以各位朋友，記住3、4月之後，得閒就搵我食飯喇，費時突變嚇親各位喇。（計落數，變反而証明我有人要，所以變都係好事~）