其實絕對唔係遊記，只係一朝早就搭K16轉西鐵，10:10到元朗會合周生同簡尼夫（小弟遲到兩個字，Sorry……），去Walter屋企竹戰。
頭一圈小弟不斷中招全輸，但慶幸跟住三圈完全收復失地。

Lunch去巴士站旁1間茶餐廳食，個忌廉湯好好飲。
再戰一圈後，簡尼夫歸家整理屋企，由剛到o既肥Alvin出戰一圈。
結果總計由Walter贏得聖誕Jackpot：HK$25（特別嗚謝上次各位打邊爐參與者）。

加上後到o既阿柏，5男改戰Winning，輪流2人聯手對PS2電腦隊，結果用強隊幾乎全數喪師（連車仔對保頓都踢到4比4，要射12碼先至贏），反而用弱隊就可以大勝（包括保頓贏車仔3比0，韋根十人應戰贏巴塞3比0，沙特阿拉伯贏皇馬3比0），証明Winning設計有少少bug。

20:10就去正記食煲仔飯，幾好味~
期間地震，我仲以為只係自己腳痺o既錯覺。

22:20搭輕鐵+西鐵+K16回程，差少少訓著。