9:10起身，搭171，10:10到海馬公園。
唔同之前，因為今次得我自己1個人去。

換完飛就搭888號去大樹灣入場，剛好取得尾4 o果張12:00幻彩冰上騷入場票。
愛斯基摩村好得意，但好細，好少o野睇/玩，可能佢地同我o既生活一樣o禁單調乏味喇~出o黎又o岩o岩噴「雪」，好靚。

玩完太空摩天輪，睇完紅鶴，就去睇Show，順便食lunch。
個Show好正，我覺得如果唔止半個鐘仲好~可以睇多o的魔術，不過o果位銀咀男仕可能會手軟。

Lunch：琴日惠康買o既芝麻叉燒包+餐肉包+肉鬆包+奶油忌廉包。

由於越礦飛車要排90分鐘，過山車又故障，所以先去玩跳樓機同搖擺船。
玩完剛好過山車開返，所以就去玩。

14:10，周圍都好長龍，所以排幾分鐘搭纜車落山，同1對公公婆婆同車。
行亞瑪遜森林，3D幻影森林，同去睇安安（見唔到佳佳），然後去睇雀鳥劇場。
去兒童王國睇完海豚，16:15就排5分鐘搭纜車上山，同1位公公同車。

排成個鐘玩越礦飛車，然後玩翻天飛鷹。
18:30開始少人，所以再跳樓。直入再玩完過山車，再次跳樓！！！
我深信我心臟未有事，否則應該已經死o左。

海洋館少人得可憐，鯊魚館裡面更10個人都無，日本花園幾乎無人。
由於纜車超長龍，所以19:30去大樹灣搭888返正門。

19:50剛好搭last一班入海馬公園o既171，20:05返到尖東。

Dinner@大家樂，超多人。