13:35起身，就已經得我一個o係屋企，一路上網，一路食住綠茶Melty Kiss，一路諗o左好多o野。

記起當年初初識詩韻，佢完全唔覺得我係中七之前屋企唔俾自己出街逛；識佢當日正正係第一日返中七暑期工。不過，佢識多我幾日，已經發覺我所言非虛……
就算之前拍拖，或者追女仔，都唔多唔少因為缺少o左好多童真回憶，所以相處或者搵話題都有困難，會幾亂。雖然係同兩個女仔拍過拖，但唔代表呢個唔係問題。
或者，呢o的唔通就係當年中同陳采叫我要「努力保留」o既「特質」？不過佢係由Form One識我，所以佢o既意見都可以考慮~如果我有誤解，麻煩仙蕙搵日打o黎同我講返，thx~
Erik o果句話我會o係股票同女友之間較鍾意「有幾千萬股票o既女仕」，我覺得幾攪笑，不過可能性不大：一來我已經有鍾意o既人，唔打算開拓新Market；二來有股票唔等於會同我傾股票，而我亦未必傾；三來我相信大把比我條件更好o既男仕會衝埋去，幾時會輪到我啊~

結果，19:45先出去麥當當食「早餐」。
Dinner:麥當當巨無霸+中薯條+中Coke Light+朱古力新地
終於得百搭卡，可以日日去都有小食送~

行落去旺角，睇完o的寬頻Plan，就毫無收獲行返屋企。
睇緊電車男o果陣，媽媽o係家姐屋企帶o左o的KFC雞同粟米俾我食。一路食，一路諗：其實我會唔會已經o係愛情市場被判「止步」？好似件雞o禁俾人一o下一o下粉碎？