琴晚同Galaxy大談2個鐘股票同銀行，覺得如果廖銀唔請佢就走寶。（我今個月電話費就大鑊喇……）

11:30醒o左，就繼續訓o係張床度，去到12:15父母叫去飲茶先起身。呢短短45分鐘裡面，諗o左好多好多o野，但都離唔開愛情、事業同學業。
已經有心理準備無得結婚，亦預備好出去硬闖一次，當俾自己開一開眼界；但依家個BBA畢業之後就會休學。

14:40返到屋企上網，之後15:55去尖沙咀中心影智能身份証。o的Staff服務唔錯，唔使15分鐘完成。
之後行去旺角行人專用區一逛，再去2個禮品換領中心取富邦同匯豐o既信用卡迎新禮品。點知原來匯豐o果set DVD組合成10KG重……搬到返屋企已經成身汗（滴水o果隻……）

同阿蚊傾o左成個鐘，先至知沙田個智能身份証中心Staff服務超級差……
Meigi打o黎，問3988中銀無買係唔係走寶。
Galaxy亦打o黎，傾幾句今日Interview o既情況。當時佢睇緊親切的金子，我就睇緊電車男；佢知道後大力踐踏電車，我唔識答佢……好似自己俾人一腳一腳虐待緊_|▔|○

我其實會覺得自己有o的思想太傳統，成日都唔想去外國發展；不過我又真係唔捨得香港o既親人同鍾意o既人，唔捨得o係香港o既回憶，亦真係想o係香港結婚生仔，想o係香港成日去享受香港唔同款式o既食物。
好多人話外國呢樣好o果樣好，其實外國人都會覺得香港呢樣好o果樣好。
不過，如果幾年後睇住自己鍾意o既人結婚，我仲留o係香港又有乜意思？