十一點幾起身, 走左去搵亞聰玩, 原來亞翡仲剪緊AP條完場片, 玩左一陣就走喇。

之後兩點鐘要去差館落口供, 搞左好耐, 但份口供其實好短。

走既時候買左包薯條返hall搵亞翡, 返到去睇住條片埋尾, 睇住亞翡將最尾個句「我們走過了, 接著, 有人迎上來」加上去, 好感動......

之後同亞翡一齊去拎野比promotion team, 仲一齊出銅鑼灣買good show禮物添。沿途上無所不談, drama, 待人處世, 生活經驗, 朋友, 將來的事業、抱負甚至愛情, 哈, 好好傾。

夜晚同oscar, jarvis + 亞柴睇<<美麗時光>>, 唔...有D悶, 同亞翡都訓著左。

食完飯同亞翡兩個人由灣仔行落銅鑼灣, 又傾左好耐, 多謝亞翡對我o既支持, 多謝佢睇得起我, 仲教左我好多。

原本想搵亜聰"石塘咀", 但係佢o係尖東食緊飯, 唉, 亞翡...亞翡竟然話去尖東搵亜聰......好啦~~

同亜聰 + 亞翡 + cindy"石塘咀", 亞翡講左自己o既感受, 明白o既......

返到去仲要準備送比ian o既禮物。

Today's Highlight: 半夜同亞占 + 峰峰 + enfany + jason o係十七樓槍戰, 超好玩, 中槍之後個頭圈會震架, 好好好好好好好好好好好好好好好好好好玩!!!