久久都未有寫文章，或是日記，真是到了胸無半點墨的地步了……這應該是老師們的悲哀，辛辛苦苦在作育英才，誰知就給我這類「金玉其外，敗絮其中」的壞學生氣死了～ｈａｈａ～

　　就因為太久沒發表文章，我在此承諾，每天即使多累都最少打一篇發表！其實我之前一段長時間沒打文章也有原因的，除了本人太懶以外，高二那年得老陳（哈～）的啓發，讓我覺得打在電腦中真的沒意思，還是買一本日記寫好～而且我字很醜，就當作是練字！誰不知……我連日記本也很久沒有親密接觸啦～～ｈａｈａｈａｈａ～～～就這樣，我的日記本認為我重色輕友，快要和我決裂了；我的新聞台更是希望「輕輕的走，不帶走一點雲彩」（就是快要被ｐｃｈｏｍｅ刪除我的新聞台了啦……＝．．＝）。為了重獲它們信任，我必須放下綏靜政策，再站出來做好對外政策，討好它們，不要白白浪費它們對我的期望～（雖則我對內也不是太好……唉……）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

2005年11月9日　星期三　半晴半陰
　　今朝我幾經辛苦，終於逼到自己７點４０分起身，起身後就出去買了個芝士蛋餅食，本來很好吃的，可惜要邊食邊睇宋史，令味道打了點折扣。

　　差不多９點時，我就開始換衣服去大勇樓上經濟學，今日翁永和係咁趕課，一野教左成三十幾頁，但都係教唔晒期中考要考的，所以教唔晒的地方就唔考ｌｕ～但期中考都要考成百幾頁，呢次真係「爽死」了……我都未溫咋，仲要係睇英文書既經濟學，都唔知點算好。我本來數學已經唔係好嫁啦，仲要睇英文，雖則經濟學又係理論居多既……我都係唔好怨了，早點溫晒佢好過。

　　中午時食左個乾麵，返去宿舍休息一陣，就上季陶上英國史，今日輪到我同大品報告史料《大憲章》（一篇睇唔明既古代英文），上完之後又攰又唔爽囉，林美香係咁針住我地黎問，平時其他人報告都只係翻譯史料，你都唔會問得咁深入嫁啦，今日又係咁問我地點解有呢條規定，又問我地有冇整理分類。女神呀，我地又唔係專研究《大憲章》，加上我地英文都唔係勁嫁啦，你估我地係英文系咩。就算你真係想我地做得深入ｄ，你覺得好重要要做好ｄ既，你都早點講聲等我地準備下啦。失驚無神問得咁深，成班又冇人識答，又口黑面黑咁，如果我地係識答既話，就唔使係政大讀，早就去外國啦下，真是的……

　　英國史下課後，緊接着的就是宋史了，等光哥入黎呢段時間又累又緊張，因為之前上的經濟學同英國史都係各上三個鐘，精神已經係好攰好攰；另外我記得光哥上一堂不滿我地唔睇史料，所以話今堂小考。不過我仍然都只係睇左一半，ｈａ～佢一入黎，睇佢手上冇Ａ４紙，即刻放下心頭大石，ｙｅａｈ～～佢唔記得左要小考～～ｈｏｈｏ～～接住佢就講書了。其實佢講書都幾引吸，雖然佢係咁當人，不過佢真係好正，好有學者氣質，而且係我聽過少數英文口音真係好聽好順耳既台灣人，應該話，佢係第一個。今日我突然發覺佢好可愛，佢係度講徽宗既軼事時，講到徽宗小時好怕見到某官員（為徽宗老師），每次要去睇這個官員時都苦着臉說：「不要！」光哥就係講到呢句，即時扮一個小朋友講不要既口吻同表情，登時覺得佢超可愛～～ｈｏｈｏ～～果然，男人不壞（光哥當人很兇），女人不愛呀～～～

　　下課後，我就餓着肚，頭暈暈的下山找Ｒｉｃｋｙ食飯，路途上差點真的暈到在地上，不過我努力咁支撐下去，終於行到去中華，打俾Ｒｉｃｋｙ，佢叫我去ＢＯＢＯＣＨＡＣＨＡ，因為中華冇位。我頂……又要過返對面馬路……終於有飯食了！！我叫左個咖哩雞排燴麵，個麵一黎到，我就係咁低頭食食食，都冇同Ｒｉｃｋｙ，黑仔繼續傾計了，因為我太肚餓，成個食既過程我一粒聲都冇出，都幾罕見。食飽之後，頭暈冇晒，精神好返好多，就同佢兩個閒聊多一陣，之後就返宿舍了。

　　返到宿舍，陳虹汝用我部電腦玩ＡＯＥ，因為佢唔識玩，我就係度教佢，但由於精神不好所以心情不好，當我教緊佢時佢係度講ｄ好無聊既野時，我就發脾氣拍枱話唔係，加上佢本身就ｄ理解力十分有問題既人，講十次佢都唔明，因此每次同佢講解事情時都尤其火大，最後教左佢最簡單既之後我就唔理佢去溫習。溫到一半，因為真係好冇精神，所以訓左個幾鐘起身再溫。到左依家，我打呢篇文章好耐ｌｕ～～係時候去訓啦～～～而我既一日就係咁啦～

ｐ．ｓ．我史學方法論篇文章都未睇晒，睇黎我聽日都係受死了～ｈａｈａ～