31/03/2005

今日係出發去張家界既日子啦…..一早就要起身出發啦..
爸b車我去九龍塘既火車站…
爸b車去…真係好快就到啦…我見到未有人到我就唔落車住…
見到miss張到左…又有同學到左我就落車…

去到見到yoyo…..其他人就未到…
之後maggie都到啦…d人都開始到啦…

終於都知道邊個係我果組唔識果一個人…佢叫april….

之後齊人就開車去皇崗…..去深圳西火車站…
我同cathy坐….eriko同betty坐…ivan同嘉兒佢地坐..
過關…個個都好開心咁上車啦..

去到火車站…..個導遊都唔知點….周圍行…死八婆…
都唔知點做導遊…
之後就去坐火車啦…..見到果度d人…真係好恐怖….>_<

個導遊姓黃…黃小姐…睇佢塊面都知佢姓黃呀…哈哈…
黃過條蕉呀…^^~
佢負責火車方面….點知有人發覺到有人既火車飛係”吉首”…有人係”張家界”….
都唔知點做野架….
之後打番公司問….係邊一個地方落先岩….
係”張家界”…但係”吉首”都無問題…都係張家界落…

miss 同 foria都話唔好唔見火車飛…點知就有人唔見..白痴…
好彩….有兩個同學no show…唔係就無飛啦…咁就仆街啦…

我地有14同17既車卡…
每一卡入面有6.7個車廂…..我地hktt都有三個車廂…
有個同學唔見左飛…佢個位係17卡4號車廂既下鋪…
點知有個男人…又係仆街離…我地望住佢….佢用普通話同我地講”看 什麼好看”….仲盯我地添呀…
我地決定唔理佢….
Miss 張話佢可以係偷野果個人…叫我地同卡既人要小心呀…
我都覺得佢係有問題….成日都望住我地d行李 銀包 電話 mp3 等等…仲成日望住cathy添呀…
我叫cathy小心d囉….佢自己都知…

坐去張家界要18個鐘呀…..嘩….好耐呀..
上到車….恐怖到想死呀…
d廁所又臭…d床又污濁…>_<

我係坐17卡1號下鋪…maggie就訓我隔離…2號下鋪…
我地都係打算唔訓架啦…要睇住d行李丫嗎…
kaman就訓係maggie上面…yoyo就訓係我上面..
姑婆-guko就訓係yoyo再上既上鋪...
april就訓係kaman上面既上鋪…

之後就我地就係咁玩…..哈哈…
開頭真係好想死呀..坐得耐…眼訓啦..
因為我係下鋪…好多人都係度傾計呀…我又係度聽歌…
後來d人就去訓交…好多人都訓…
maggie都訓左…我就係度聽歌…
好耐都無聽晒mp3入面既歌一次…完全唔飛歌…幾西利呀…

之後april訓醒左…我 Kaman Maggie yoyo係度傾計…點知傾傾下…我訓著左..
april叫我去佢張床度訓…因為佢地放晒d野係我張床度呀..
咁我就上左去訓….由4點半到訓到6點…
我一直都係聽緊歌….成個mp3咁,歌…..真係好耐都未試過囉..

之後食飯….d野難食到唔信呀….陰公呀…
好彩我有好多乾糧…..
係咁食零食…唔知會唔會肥呢…

我打番屋企…..報左平安就收線啦…
之後我見無聊…試下send message比香港既朋友…
我send過比阿拔 阿當 suki 同賢仔…我唔知收唔收到呀..
因為我用兩個方法send ….阿拔同阿當係用00852 + 電話..
suki同賢仔係用852+電話 send….
點知無人覆我….唔知收唔收到…

之後就10點..會熄燈…我地香港人又點會咁早去訓呀..
之後就去左yoyo 張中鋪訓….maggie就坐係我隔離..
Kaman 張床有姑婆 roy係度…
April就係自己張床度聽我同yoyo講鬼故…

有個阿叔…係火車上面既工作人員…佢話張床唔可以負荷到咁多人係張床度…
之後就番床訓交…
我同maggie都係醒下訓下…總之唔會兩個一齊訓…
每一次停車…都會醒…d人行離行去….
真係想死….

之後就zzzzzzzzzz