上個星期同阿媽參加左呢個華東遊，去中國華東六日都係１２９９，抵到爛！！！最衰女友攞唔到假。
今次最正就係睇到杭州西湖，靚到爆燈。呢世人一定會去多次，向個度吟下詩，對下對，做個後現代詩人。
另一樣好ｇｅ野係蘇州導遊，人地話吳儂軟語，又騷又軟，係咁多種方言最好聽Ｇｇｅ！就算係比佢鬧我諗我都會笑！最後就係咁，比佢氹左買左張絲被。（編者按：其實，呢個導遊已經四十幾歲～～）
南京呢，我就覺得個歷史史命感好鬼重。事關個導遊係咁重覆南京大屠殺，國仇家恨，向記念館重現眼前呀。我懷住悲憤ｇｅ心情，感受蒙難ｇｅ同胞ｇｅ遭遇，就係咁．．．．攪到成車人等我一個。
其實成個團仲有好多野，比如話南京ｄ玉石，龔良老師ｇｅ鼻煙壼，仲有無錫ｇｅ珍珠，上海ｇｅ建築，都令我大開眼界。終於體驗古人ｇｅ說話：讀萬巻書不如行萬里路。最後要多謝各位團友，佢地人生經驗多過我好多，學左唔少野，THANK YOU。