前幾日睇頭條日報...見到笑話一則，同大家分享下:

有個生物學家研究企鵝生態，訪問左一百隻企鵝

佢問第一隻企鵝:"企鵝，你平時會做咩架?"
第一隻企鵝答:"平時食飯、瞓覺、打波波囉。"

佢又問第二隻企鵝:"企鵝，請問你平時做咩多呀?"
第二隻企鵝答:"食飯、瞓覺同打波波。"

佢又問第三隻企鵝平時做咩多，第三隻企鵝又係答"食飯、瞓覺同打波波"，如是者...
問左九十九隻，答案一樣...

直到佢問第一百隻企鵝:"企鵝，你平時會做咩架?"
第一百隻企鵝答:"食飯同瞓覺囉"

生物學家覺得好奇怪...點解只係食飯同瞓覺，冇左打波波既???
究竟打波波係咩活動黎架呢???
於是佢好好奇咁問第一百隻企鵝:"咩係打波波呀???"
第一日隻企鵝答佢:"我咪係波波囉"

哈哈...
終於進入倒數階段...
但係教院既功課...進度係零...
唉...灰

日日準備教材，準備到死...

今日教"中國器樂合奏、協奏、重奏、齊奏"
唉...2小時...
努力捱...用心準備powerpoint...
亦嘗試hea...俾佢地睇電影"和你在一起"
今日嘗試讓學生看中西器樂相似的地方...

今日雖是地獄日，但教得輕鬆左...
學生俾面，班長合作...
順利教書...嘻嘻