今日十一點半聽到電話，係DEBBIE打黎事關我地話去剪頭髮嘛，點知個個都唔知醒咁就約遲一個鐘喇～之後一點去左景峰等，係架６１４Ｐ到見到THELIN，哈哈～

等左陣等到我地親愛既韓瑪莉係THELIN幫DEBBIE改架，之後就去到間SALON喇，DEBBIE染黑喇，THELIN果D就剪，而我都係唔剪住喇，八月頭先剪，一陣佢地又話我KID成日剪髮，但唔知點解我好鐘意去果到剪，因為我覺得佢剪到我好好睇架Ｄ髮尾，以前我扎瓣條馬尾好粗架，而家就唔會喇，佢變左我個御用髮型師喇～～

之後就去左食野，跟住THELIN黎良景拎珍既NOTES,再順便拎埋我個D，佢地仲上左黎我屋企TIM，唔知ＤNOTES岩唔岩你用呢，唔岩就丟左去喇～比心機丫～

唔知點解就快伊完奧運有Ｄ唔捨得呀，晚晚都睇到三四點架嘛，同埋有時睇到好感觸，一到中國隊會輸就會覺得好慘，或者呢Ｄ就係中國心喇，其實我地同Ｄ運動員都無咩分別，佢地用一生既青春去訓練，目的係為左係比賽中揚威，為自己國家爭光，為自己取名利，而我地都係用時間去學習，為既就係係會考高考取好成績，繼續學業，台上三分鐘台下十年功就係呢個道理，考試考既時間可能只係短短果二三個鐘，但係背後又有多少代價，可能有Ｄ人好聰明唔洗點溫都可以考得好好，咁又會唔會成世人都咁好運？考試係要有實力，但我更相信更需要有運氣，沒有運氣搵唔到學校就係搵唔到。年半後既高考我想我唔想再好似會考咁要人揀黎要我，我唔想，我要自己揀學校，中大等我丫，我知會考唔高分，但睇住黎喇，我想做EVA學妹丫，哈哈係佢叫我入去架，不過我都想，今晚發住夢先～