20050224


Lunch煮了一個炒雞翼腸仔蝴蝶粉
放o左好多蔥,所以好香!
食雞翼最鍾意加蒜頭同蔥...勁香同吸引~

臨放完假的生活先似返個年輕人....日日出街

今日去胡中接瑾瑾放學~我地去Teresa食Tea
佢而家返母校實習,都幾好丫!
話晒都叫自己地頭..但對著一班曾經教過自己o既老師,感覺都幾奇怪,又係同事又係老師
我以前都有諗過教書,但發覺自己都唔太適合
成個幾鐘不停講o野已經唔得..日日咁講真係幾係o野,仲要冇Deadair....所以我都好佩服班老師,特別係冇咩備課吹晒水o個D....點諗到咁多o野要講?!
又要成日開會..備課...特別日子又要做其他o野等等等........
仲要怕俾班學生玩......而家D o靚仔都好惡教!!!!
雖然瑾瑾先天不足..(我都有笑佢呢樣!^^)..後天一定可以補救!!!!!

食食下..見到小新麗如兩公婆+他們的朋友入來食Tea~嚇死~~!哈!

估唔到Teresa而家D Tea Set幾搞o野,有Pancake食,我地叫o左個朱古力雪糕Pancake,幾得!!
估唔到個Waitress姐姐仲認得我,問我係咪鍾意食西冷+忌廉湯+凍奶茶o個位姐姐......Yo!咁好記性~抵錫!!:-)

回家路上....沿著勞校,巴富街,何官......係咁影
好難得出到o黎呢邊(雖然我住得好近)....以前讀書o既環境真係好好
由大巴富..(同學儕,世界文明日月新)殺入公主道(勞動創造世界),真係好鍾意呢邊!

同瑾瑾傾下..
不知不覺我地識o左12年....好老呀!~^^"..十幾年我地感情都咁好!!
呢個老死,冇識錯佢....!
原來識佢十二年,我係甚少同佢透露感情生活~~~~佢話只係停留o係A君階段.....Oh!!真係陳年舊事..