今日23/3/2005(星期三) 九點幾就起左身lu，係屋企食左個麵，執下D野就出門口去楊屋道打波，我十一點十去到，一個人都未到，咁我就換衫先，我換完出到去冇耐就見到嵐妹喇，跟住先係班長，得我同嵐妹冇遲到咋！幾叻！哈哈
我今日就帶佢地練左一D野，我可能真係唔係好識去教，我淨係識點去練，我近依兩年個手腕樣衰左好多，我記得我以前個手腕打波都唔差，但依家…都唔知點解！我地打到三點就死班人食野！
今日練波既人最適中，唔多唔小，仲有個個都好俾心機練既！我知道！
今日有我啦，阿基，奶邦，肥C，阿趙，阿香，班長，麥振，包包，阿魚，Rain，雞蛋，家瑩，Virginia，嵐妹~Total: 15個！
食野果時，人人都有野食，係我冇lor~原來流單，激死！之後，最搞笑就係阿趙要咀我，我一望佢果樣就超想笑，勁低死啦佢果樣！
食完野，又冇野做我地就去左果足球場，我同包包，麥振同班長，我地就打2人排球！我地打到2:2就冇打lu~跟住就冇啦啦落雨！之後我地就走lu~
我返到屋企冇耐就返SHW開會，同其他領袖傾下星期六去露營點帶，點分工！
傾到十點幾，跟住一齊食飯，十二點返到屋企！