16/7/2004(星期五)依一日朝早阿媽打電話返黎，話俾我聽就黎打八號風球喇！唉~~~我就覺得今日冇得去睇大獎賽喇！起左身又訓唔著，之後都係上下網，咁跟住等阿媽返黎，就同佢去食下午茶，果時詩韻打電話俾我，叫我出埋去先，可能有得入去睇！詩韻阿爸阿媽都去，咁我叫埋夏佩一齊同詩韻阿爸阿媽出去，我有叫埋阿坤(Nyon) ，麥振同雞蛋媽媽出黎睇！佢地就係紅館等，去到都未入得場住，跟住五點幾就入得喇！入到去我地仲要坐VIP位tim呀！勁開心啦！入到去果時美國同意大利都熱緊身，六點就準時開波喇！嘩~~~依場波勁好睇呀！要打足五局，美國仲要係尾果到追返上黎win左！真係好喇！史歌娜同湯姆真係好勁呀！第二場都係中國win泰國3:0冇咩特別，不過，泰國比以前真係進步左，特別係防守！睇完之後，我同夏佩，麥振，詩韻同佢阿爸阿媽去左打邊爐！

17/7/2004(星期六)依一日我已經遲左去，之後又有D麻煩，唔講喇！之後到左中國VS美國依場波，依場又好好睇呀！又要打足五局，最後中國都win到yeah^^！之後同左阿坤去荔景睇佢打friendly！

18/7/2004(星期日)依一日我就同埋阿鮑一齊去睇大獎賽，因為佢未係現場睇過，咁就同埋佢一齊黎睇，果朝我就同詩韻同佢阿媽早小小出去，之後去左火車站食野，跟住我地就入場，而阿鮑都好準時咁到左，第一場美國VS泰國，冇咩特別，好快完左第一場，跟住係D明星賽咁，睇埋之後就同左阿鮑去食野，跟住返黎中國同意大利都熱身，到左開波，今場都OK好睇，不過我覺得冇前兩日果兩場咁好睇！哈哈！最終中國都係win意大利3:1！跟住睇埋扮獎就走lu！
之後我地就去左TST行下街，睇阿鮑打機，之後食埋飯，行多陣就走喇！
依日都幾開心呀！

今年既大獎賽比前幾年好睇！^^