9/2/2004(星期一) ，依日八點三要換好衫入到廚房，因為依日係今年第一次出餐呀，所以要六點鐘起身，勁早lor~我八點就返到Haking，換完衫都係八點三，結果一入去一個人都未返呀！之後阿sir八點半先到，又叫我地八點三返，唉…真係呀！跟住講左小小野就自己做自己野喇！我自己一個人整十二隻雞同麵包汁，我覺得幾勁一個人整晒，哈哈，我一開始就洗雞啦，十二隻雞我都洗左幾個字呀，之後我就掩D雞，跟住就整D雜菜放入每隻雞到，D雜菜仲加左D紅酒tim~之後搞點就開始扎雞喇！十二隻雞都扎好喇，咁就整D油係D雞到放入焗爐燒喇！之後就整個麵包汁，整左出黎好奇怪呀！哈哈！不過又唔係難食，係之前未食過，幾特別！話咁快咁就12:30我地就出餐，2:30就搞點晒D野就走lu，我覺得我地今次全班整D野食都幾好食，真係呀！我整D雞佢地都話幾好食，原來人地話我D野整得好食係好開心，哈哈！出完餐，好彩果日Emily唔到閒上英文堂姐，如果唔係就要即係test，咁我就同左阿Mike佢地打機，之後4:30返黎上F101果堂，嘩~返到去可能上午又早起身，又係咁整出餐D野，好累呢，成堂都係訓左覺，冇聽書，上到5:30就落堂，跟住就同阿Joe，大Wing佢地入去沙田一間酒樓食飯，入到去6:30，D人都未到，得好姨佢地打緊麻雀，咁我同大Wing又開左檯麻雀打，打到咁上下，我地百勝廳大佬Jacky都黎左喇！Jacky佢地就玩射龍門，我地就打到9:00就開始食喇！食緊果時勁多搞笑野lor~Jacky坐我地果檯，佢講埋D野好笑，其間我地又抽獎，Jacky抽第一個，果個就係我，有禮物同利是，我拎左利是，不過都係十蚊！哈哈！早知要禮物啦！我地食到差唔多，Jacky又係到做莊玩三公，跟住因為美儀第二日生日，咁所以我地又有得食生日蛋糕，之後又影下相，11:30就走喇！返到屋企都十二點幾！依日勁累呀！搞到第二日，唉…唔知醒！哈哈！