3/2/2004(星期四) 依日本身唔洗返學，但係依日要普通話測驗同F102要補堂，所以要返學，果朝早因為塞車，所以8:50am 先返到Haking，第一堂Miss話叫我地用普通話講下新年做過D咩，第二堂就去測聆聽喇！唉~~~今次好多唔識呀！之後就上F102，又係講埋D冇聊野，11:30就放學，之後等埋Samuel同阿妖，咁我地就去食lunch，跟住同佢地去左機鋪打機，2:00pm就返去睇下Vincent點教D野飲，一個鐘到，我就落左去PC個到，睇左一陣開會，我就搭地鐵去九龍塘站喇！去到阿峰，阿水，阿偉都到左，之後Alan，阿文，女巫，CKL都黎埋，咁就得上去BU喇！去到換完衫，搓左陣波，槌左陣波就開波喇！Total我地打左六局，贏左三局，輸左三局，打到差唔多十點就去換衫再檢討左一陣就走喇！跟住我地去左美孚食野，食完我地就搭西鐵返屋企喇！返到屋企都十二點幾喇！