祿仔和阿妹

妹妹已經回來七個多月了，我才第一次提起筆來談談她，終於明白粵語殘片中黃曼梨為什麼偏愛長子了，而我的長子，就是老實敦厚又靚仔的「祿仔」腬！

早前樓下「阿豹」主人問我：「佢兩個咁大隻，打唔打交啊！」如果主人乜都唔理，梗係會打交啦！今年四月多，妹妹回來時，我休息左一個多禮拜。一開始，將阿妹困在籠，六仔有時過去睇下，有時見佢唔順眼，又鬧下佢。如果見佢食野，或者見佢叫，就鬧得大聲ｄ。第一日，放妹妹出來玩下，我地都心驚膽跳，唔知六仔會唔會一啖就食左佢。對六仔來講，果時阿妹就好似一舊燒賣。

好彩，博下博下，將阿妹又困又放，三、四日下來，六仔好似慢慢接受佢，開始同佢玩。又再慢慢慢慢，佢兩個就好似今日咁，成對歡喜冤家，有時吵咬，有時錫不停，有時玩到顛晒，有時不啾不啋。

妹妹係二月二十五日出生，依家近十個月了，雖然又長又高，但骨架很細，我係話佢似「李嘉欣」，俾朋友窒左一餐，話我唔好侮辱李大美女，車，比喻下之麻。

阿妹同祿仔性格相反。阿妹鍾意吃，祿仔鍾意玩；阿妹好怕事，祿仔膽生毛；阿妹成日跟住晒，名符其實「跟尾狗」，祿仔一放鬆手，不知跑到哪裡去了！難怪人地都話，為食的狗容易教，之前我用劉Sir教的方法，一邊行一邊餵阿妹食野，後來佢唔理有無野食，都望個頭過黎，而且係一叫就返，管用啊！但必須澄清，對貪玩如祿仔的，這一招在街上沒有用，但在家裡，還是有用。

祿仔以前揀飲擇吃，唔好味，或者無加料的糧，要分開幾次食，仲成日都食唔完。依家唔同了，祿仔一見到糧，唔理三七二十一，一口氣「磺磺」吃完，好似驚死阿妹搶佢。仲有，佢以前唔吃紅蘿白，依家就急命狗咁好快食完。真係「瘦田無人耕，耕開有人爭」啊！

佢兩兄妹最好感情的時候，應該係前陣子我和伴伴去歐洲的日子了，聽講，狗場主人講，佢兩個糖痴豆，患難見真情掛。而且依家，祿仔都俾阿妹係唔玩鮋時候掂佢，以前，一係玩，如果唔係玩，死仔包唔俾阿妹掂佢架。

所以我地念，想佢兩個感情好，或者都係有事無事送佢兩個去住下酒店先。