一直是死亡筆記支持者
上個月終於讀完第十二集大結局
很多朋友不喜歡這個結局
更多人覺得第二代L及不上第一代L
但我向來是個重視過程的讀者
死亡筆記的開篇和過程都太精彩
好橋段都在前面出現了
結局平凡一點
也是可以理解的

上星期第一時間去看了電影版
我想改編是成功的
未讀過漫畫的觀眾會得到初讀這漫畫時的驚喜
讀過漫畫的人自然會諸多比較
不過編導已經做得很聰明
奇拿與L的零動作鬥法其實很難拍得緊張
這電影版都做到了
期望下一集會更精彩

看完電影之後馬上寫了一篇感想
投稿給新任鏡海版的編輯小脂
可惜他老哥做事勤快
星期六該版面已做完了
我這篇＜筆記“死亡筆記”＞唯有排隊
我反應和速度相信已夠快
未能成為大哥第一版鏡海的作者
老實講
有點遺憾呀

大哥
你可以放心
如果我有死亡筆記在手
我唔會寫你個名的

有一日聽收音機
個主持人話如果佢有死亡筆記在手
就會寫自己中六合彩發達
之後坐享榮華富貴至百幾歲先好開心咁死
我喜歡這個安排
不過唔知筆記可唔可以咁用

如果我有死亡筆記
我可能會寫上我所有不喜歡的人的名字
要佢地比哂d錢我
然後要佢地每個月出糧都入一筆錢落我戶口
直到我死咗佢地要為我個葬禮出錢出力
之後要佢地有二百歲命
不過身體要自然咁唔健康
係咪好變態
不過諗吓啫
死亡筆記呢單野同中六合彩一樣
諗吓就開心

比著係你
你又會點呢？