今日有新同事返工，係我的直屬下屬。第一次supervise人，唔知點對待佢。我手頭上好多野做，但佢應該follow唔到，(而且政府架構中，都唔容許clerical同事去做paper work的工作)，唯有俾file佢睇，佢睇左一日，我覺得都幾悶呢! 不過佢悶都唔可以上網，因為政府電腦connect去internet係要password的，clerical同事，因為佢地低級 (對不起，我都唔想咁階級，不過呢個係policy)，所以冇password for上網，唔怪得我冇見過班同事睇股票啦!

其實我依家份工，好似做夾心人咁，因為我係EA，係official grade (比clerical grade高級)，所以clerical同事一班人出去食飯係唔會叫我; 但另一方面，我係contract的，又被班公務員標籤左"唔係自己人" (不過他們都不敢表現出不服我，因為我比他們高級)，現在感覺高不成，低不就呢! 但其實我老闆都幾nice的，對我都不錯，只不過她未做過contract，不會feel到做夾心人的感覺了。