思緒雜亂 8-8-08

呢排冇乜打日記，並非呢排冇野發生，而係呢排思緒好亂，個腦冇時停。

等好brief咁講下呢排發生過d咩先。生日0個日，鴨仔本想去大澳，不過我地起唔到身，加上搵唔到個碼頭，所以冇去，結果在屯門行街。鴨仔想買個機頂盒俾老豆，但呢排機頂盒斷貨，價錢企硬，我半個月前買又送HDMI線，又送天線，而且有現貨，當日差唔多斷晒貨，又唔肯送色差線俾我地。好彩我細佬在深水步幫我地買到個機頂盒咋!

8月6日打風，無端端有一日假，我相信好多人都會讚呢個風打得"正"，完全cover一日的返工時間。當日12pm，katy提議唱k，結果我地3pm去neway city，鴨仔，kevin同我拎房先，一開始唱就有個atv記者走入黎話想拍下我地唱k情況for 6pm新聞，但我地只得3個人，佢都話冇問題，咁我地由得佢拍啦。我唱左半首歌，班友終於到neway city，我心想，終於唔駛咁尷尬一個人唱k。katy同cathy簡直係欲拒還迎，一知道atv要拍野，先係亂叫，然後怕羞，當個記得拎支咪話想訪問，佢地兩個竟然搶咪爭住影相，hyperactive到連個記得都驚。阿良走左去做訪問，人地問佢點解今日黎唱k，駛唔駛返工之類。佢答得假到死，話工作上有野要趕，寧願返工都唔想放假。結果atv當晚冇報導啦!

下星期去旅行，鴨仔有同事今個禮拜先決定join，但機票水漲水高，貴左好多，我不斷搵平機票，又要搞酒店d野，都唔係唔煩架! 不過多一pair人一齊去，應該好玩d gei!

鴨仔想送電腦俾我，佢都成日要睇電腦野，而我鐘意的牌子五時花六時變，又唔想貴，所以佢都好煩。

工作中，近來最重要的事是recruitment，不過自己做recruitment先知candidate的質素真係不予置評! 連張form都唔識! 本來我都想講下大家考政府工時，填表上要注意d乜，但俾呢班candidate搞到我都不想再多說了!