呢幾日發生左好多的事, 多到我都唔知自己做緊乜, 最記得24/12號個晚, GAT ZONE 班朋友仔同我慶祝生日, 仲有同薯撻係海旁食蛋糕同埋吹水, 薯撻要溫書, 但係都仲肯出黎見下我, 所以好開心呀, 我問左佢一條問題, 其實呢條問題我諗左好耐, 唔知應唔應該去問, 唔知問左會有乜野後果, 不過最後, 我都係問左, 我同薯撻講: 「你知唔知點解今晚我會掉低D朋友, 特登過黎搵你呢?」 但係佢的答案係「唔知」, 我好想問佢係咪真係唔知, 定係唔想面對呢, 其實佢心裡面係咪已經有一個答案, 只不過因為唔想hurt 我, 所以扮唔知呢? 佢無問我個答案呀, 我諗佢唔想知個答案, 所以我都無講, 好想係呢度講下我個答案呀, GAT ZONE 的朋友仔一定知道答案, 答案就係因為我鐘意薯撻囉!!! 我真係好無用呀, 係佢面前我偏偏講唔出, 我講唔出, 係因為我好驚講左, 大家以後唔會再有朋友做, 薯撻真係一個好好的朋友, 我唔想無左呢個朋友!!!!

之後, 到左29/12, 薯撻同我慶祝生日, 其實我唔係好想佢入黎, 因為我知道搭黎搭去係一件好辛苦的事, 而且知道佢個日都要返工, 一定好累, 而我亦打左成日水球, 所以個晚, 大家都好努力去扮「精神」, 但係我知道其實大家都好累。

好多謝薯撻送左五十七個願望俾我, 仲有送左我個好朋友時時陪住我, 我會帶佢番hall 架la, 我好鐘意呢兩份禮物呀, 尢其係五十七個願望, 唔開心個時, 就可以唔使去買, 真係好好呀, 不過, 同時我都係唔捨得用佢地la, 因為總會有一日完用, 好矛盾呀!!!!!

佢送我返屋企個陣, 我真係好想同佢講番平安夜個晚的問題, 不過, 我真係講唔出口, 最後我都係收番, 無講到呀, 唔知應該點講。 其實, 我自己心裡面好清楚, 究竟我係薯撻心裡面的位置, 極其量都只不過係一個好朋友, 亦可能只係一個普通朋友, 但絕對唔係個種朋友, 我其實好清楚明白, 只不過, 係我自己唔肯去面對, 我覺得自己真係好無用呀!!!!!

我知道佢同我食飯, 睇舞台劇, 送我返屋企可能都係基於gentleman 風度同埋大家係朋友, 所以先咁做, 我無誤會佢係鐘意我, 只不過, 鐘意一個人, 你係唔會知道點解, 知道既話, 可能你根本唔係鐘意緊佢, 我都唔知自己寫緊乜, 你可唔可以話俾我知我可以點。

唔知呢段關係會維持到幾時, 亦唔知自己幾時先會放手, 放低呢樣野, 不過, 而家既我, 仲未可以咁樣。

太聰明 (陳綺貞)
我總以為你一般難懂的我
在你了解了以后 其實也沒什么
我總是忽冷又忽熱 隱藏我的感受
只是怕愛你的心被你看透
猜的沒錯想得太多 不會有結果
被你看穿了以后 我更無處可躲
我開始后悔不應該太聰明的賣弄
只是怕親手將我的真心葬送
我猜中你的心 也差一點距離
遙遠的距離都是因為太過聰明
我猜中你的心 要再一次決定
緩慢的思緒都是因為太想靠近你

「多謝你打俾我同我講新年快樂, 其實呢一晚好想搵你, 不過, 我知道我唔可以咁自私呀! 仲有, 我唔想變成annoying girl, 你再唔理我。」
新的一年, 好想有個好的開始, 我許左好多的新年願望呀, 希望會實現la!!!