好耐無post d日記上黎la~~
最近都好忙呀, 忙住交paper, 有七份, 我已經完成左五份la, 仲有兩份, 我會努力架la~~~期待聖誕節!!!!~ 可以休息下la!!~~~

我今日做research 份paper 做到頭暈, 我從未試過, 好驚自己頂唔順, 趕唔到deadline, 原來趕deadline 真係好辛苦架!!!!~~~~

仲有, 有一件事好唔開心的事就係自己的努力無比人欣賞, 我已經盡左力ma, 我又唔係唔想擺時間落去, 係無時間ma。 阿麥一d體諒都無, 我只係需要d關心je, 唔係要人管, 唔係要人話我呢樣唔岩, 個樣做錯, 好煩呀!!!! 所以好唔開心!

下個星期開始考試la, 兩科主科都係下個星期考, 又要交哲學的paper, 想逼死我咩? 不過今個星期咁難捱, 我都捱過左, 有乜好怕呢? 仲有, 星期三又可以見到 st john 的朋友仔, 好開心呀, 我好掛住佢地呀!!!!

薯撻考車終於成功la, 好開心, 我諗佢第一次一定係衰 “樣衰”, 所以俾人肥, 雖然有d慘, 不過我都係要幸災樂禍下!!~~~

今晚係icq 同阿心chat 左一陣, 好耐未試過咁chat la, 好開心呀, 我覺得呢班朋友仔真係好唔同架, 一齊的感覺真係好舒服, 雖然我地好耐無見, 但係感覺好似時時一齊咁, 未分開過, 是 “一輩子的朋友” yeah!!! 朋友, 你最近好嗎?

阿心:「需要一個人，就好像需要一個降落傘
假如一開始佢唔o係度，你以後亦未必需要佢」
雖然有d唔明, 但有一日我會明白!!!