小妹總算實現了一個05年和今年的第一個願望了
嘩哈哈~~
就係搵了工是也!

新工算符合了我的要求吧
又係日本電子公司(不過規模當然比而家的小吧)
5日工
雖然唔再係而家咁朝九晚五....(但其實只係比而家放遲半個鐘而已, 都acceptable吧)
番九龍灣(都係我心水區之一, 第一當然想搵份火車沿線既工吧, 不過都係工廠區....好像跟工廠區太有緣了吧...)
7日AL, 不過有3日暑假(故明思意即係暑假期間可放多3日假)=10 AL (比而家小了2日啊...>.<)
放香港加日本的紅假(依個真係好吸引, 望過CALENDA除左6月同8月之外, 真係個個月都會有日紅假放, 開心死)
唯一缺點就係人工比我EXPECT的小...但見出15個月糧. 除埋都OK吧
將來會直接UNDER日本人啊....(有點怕溝通不來), 不過我一開始IN時都講明日文好差, 依一方面我真係好老實的啊...
自己都希望能夠做AS LONG AS POSSIBLE啦...因為我不太喜歡改變, 轉來轉去的啊

知道即將離開而家既公司, 初時好開心, 而家過左幾日發覺會有D唔捨得, 話哂都係畢業正式投身社會的第一份工吧, 同事就完全唔會有咩唔捨得, EVEN有人8掛問我係唔係RESIGN, 我都唔認啦, 心諗與你何干, 哈哈~~而家可以放任表現自己既不滿, 日日面口都幾西, 唔洗再係到假笑, 感覺好爽! 不過, 都有擔心同唔捨得阿頭, 好似冇咩義氣咁, 我走左之後, 頂埋我果份, 佢就慘了. 阿頭係我唯一唔捨得的啦, 一個會幫細出頭的阿頭確實唔多啊, 希望未來阿頭都會好似而家阿頭咁睇住我吧~~

一個月後就正式番新工了, 唔記得講新公司名又係”三字頭”, 我發覺同三字真係好有緣, 之前見果份又係三洋, 唔通真係學敏敏話齋, 下次會做”3”, 好驚啊~~

希望新工D同事同阿頭都會好吧~~~(有點擔心啊)