依幾日完完全全感受到乜野叫"貼$買爛受"啦...
唉...比左成千銀去考IELTS都唔知為乜...
而家好似去番A LeveL時代...攪到我心情趺落谷底呀
唉....發惡夢+生暗瘡....
簡直係10大酷刑!!!

講開又講,考埋s&p同IELTS,我既大學生涯就真真正正地劃上句號了
回顧我的大學生活都有7分既...
扣左3分係因為我yr 2 sem break(即去日本之前)可以話係冇大學生活可言啦
果時上完堂就即閃去補習/歸家
係果2年連去canteen食lunch都可以用10隻手指就數得完啦
諗番起都覺得自己勁過快閃黨啦
不過自從去完日本多左一班志同道合的傻人們(梗係講緊你.妳同你...啦)就梗係為我的u life增添不少色采啦
(雖然老土d講句唔知我地第日會唔會keep得番,但起碼我都有個快樂的回憶,將來的事,管它吧...)
回顧u中的5大事件,
排行榜首就梗係去日本啦(攪到我而家周身債,唉...)
第2位:離家出走...嘻嘻...入hall去(攪到又多一頂債了...)
第3位:整親條頸...第一次睇趺打...同時為大家帶來不少歡樂
第4位:sem b撞彩...為小妹第一次有academic的reward啦
第5位:走堂去旅行...(美國.泰國同台灣)對我依d寧願上堂訓都唔想走堂的人,梗上榜啦

不過隨住u life的結束,我都要返回殘酷的現實...
身邊不少人已搵到工了...但我呢...連CV都未整...
親戚同朋友們都問我搵工搵成點...攪到我都唔好意思
考完試我就會加把勁搵工的了
我雖知大家出於關心我先問我,但....我搵到實會同大家講的了
so...都係果句....多謝關心吧