話說昨天在銅鑼灣閒逛，突然有條女拍我膊頭。跟住就俾張卡片我，然後拉我埋路邊講：「我o地係一間媒體創作公司o來o架，咁我o地係負責D幕前幕後的工作o架……（下省數百字）」
其實當時心裡已起懷疑，但自信卻話俾自己聽：「你個樣點會唔啱做幕前呀？」
於是自己再問：「你間公司有冇website呀？我想知清楚D。」
但條女卻話：「呢D我唔清楚喎，我都唔係做o左好耐……」唔係呀！依家仲有咩公司連網頁都冇o架！擺明有問題啦！
條女又話：「不過你信我啦，我o地間公司係正當o架……」你都識講唔係做o左好耐啦，你叫我點信你呀！？
但我留o左個手提俾佢，張卡片都keep住。
返到去，上網check下o個間叫"Revolution Production"公司o既資料，佢間公司網頁就搵唔到，但就搵到D料話D人懷疑係假o既，但就冇真實cause。

今日食lunch時，o個條女又打電話o來，當時在我身旁之男女一聽到電話內容便起哄。
我就再問：「你o地間公司成立o左幾耐？」
條女就答：「大o既半年啦……」
我話：「o下！半年咋……」條女就話：「不過你唔使擔心，我o地係大公司o來lor……」半年做得D咩出o來呀？咁快就大公司？唔好玩啦……
條女叫我約時間interview，我求其定個時間俾佢。
接著問一大枱男女的意見，佢o地認為我唔應該去個interview。

結果回到家中，作了個藉口cancel了個interview。
掛斷電話後，自己其實有些少後悔，試問咁好的機會（又有錢收又有得威）咁就冇o左……
黑心些說句，現在只希望快些有個被騙案例，確定自己的決定正確。