3月23號
星期五...朝早上左三堂好艱辛既MATHS...
雙曲綫同橢圓會攪到我精神紊亂..緊張過後...下畫就走左去打BADMINTON WITH 泉,興,腳趾,超AND欣...近排好鐘意打BADMINTON...誠意邀請各位參加
番到去自修室砌d..邊個輪夠一百隻要問個女仔囉電話...當我輸到98隻即張沖刺既時侯..阿超無頂大比人WIN左..按道理佢應該要"飲"..但成班人竟然指住我話我好賤...又話我懶貓唔認輸...雖然只係just a game,但禁樣講我真係好唔happy!! 明明係人地犯規...但因為數量大就唔認數...究竟係我懶貓定人地懶貓?? 心水清者一看就知...見微知處..尼個世界就同隻GAME一樣..有時侯是非黑白都可以被顛倒...當事人唯有以沉默作回應..唔怪得知李天命話..在任何人可以說任何話的世代..不動如山就是甚深功夫喇!!
砌完D...又同A班AND C班D人去左踢波..足足踢左三個鐘..踢到雙腳甩哂鑼絲..不過好ENJOY..雖然阿輝踢完X哂鬼話人地唔識踢波又唔投入又屎波又懶....我一路聽佢躉心裡面都係得淡笑..其實一眼就睇得出大家對運動既態度唔同..有D人當運動只係一動娛樂...尼D人永遠都唔會了解運動既真正意義..所以唔洗勞氣..! 都係個句....見微知處....
3月24號
朝早都係想番學校溫書..但食完早餐就比張床吸左埋去...跟住個枕頭仲叫我唔好離開佢...我唔忍心傷害佢地..所以又訓到十二點幾...再落樓下食我最喜愛既特餐..滿足感直迫100分...then再上聯招個網改左D志願...排左個完美既陣容...個心安樂哂..HAHA...then再去荃灣買左對室內鞋AND幫我塊陳年羽毛球拍穿番條靚線準備東山復出...然後上左肥BOY屋企打WINNING...!!夜晚順便去探下阿爺..佢破天荒地比左100大元我...令我VERY SURPRISE...
最後同阿NOK,肥仔,阿JOE等人上左五人場踢波,踢得非常之禁爽...但代價係我對新鞋變左得番六成新=.=and一頁書都無溫到...有點內疚-.-