***9/9星期五***

今日lunch 出去食~~點知department head 提議去唱k lunch......(事原某日係街有人派左張coupon 比佢,3送1),於是我地就一行4人去公司樓下間newway唱k lunch好搞笑囉~~第一次同年紀大我咁多既人去唱~~~~我點既歌佢地又唔識,佢地點既歌我又唔識......好彩stephanie仲算係年輕既一輩~~~可以同我一齊唱~~~~不過我成日唱k,佢地好少唱,所以我唱左一兩首就算~~~~等佢地試多d 嘛!



***9/10星期六***

今日唔使返工,但就一早起左身出tst join 佢一齊食早餐~~~之後就出發去澳門玩lu~~~~~非常唔好彩,搭慢船都算,仲要勁多國內既鴨仔團同船....搞到好嘈,好迫....又大浪喎~~~開船後幾分鐘簡直好似坐緊海盜船咁,勁搖!!!離心力勁重~~搞到我好驚呀.....因為我好易暈船浪嘛!好彩最終都平安到達~~~

去到澳門碼頭,我地搵左即日團報~不過唔包lunch & 1 點半先開始,所以我地去左附近食個lunch 先~~去左間茶餐廳,雖然d 食物好似好common 咁,hk都有,但就好好味囉~~~唔同hk人既煮法~~~幾正呢~~~

第一站,我地去賽車博物館 & 紅酒博物館~~~~um....賽車博物館幾special lei~~~d 車好靚呀!!!!紅酒博物館就悶d .....冇咩野好睇,不過有得試紅酒,但我地冇try 呀!! 之後去埋金蓮花廣場,感覺有d 似金紫荊囉....影左幅相就走lu~~~

第三站~~去左大三巴~~~都係影下相咁就go la,第四站就去我最有興趣去既旅遊塔喇!!!搭升降機上去既時候上得好快,對門又透明喎~~所以上緊去已經可以望全景喇!!上到去,個地下都係玻璃~~佢就驚驚地,話踎低會仲驚,好似成個人跌落去,(其實佢之前都有黎過),但我就反而唔驚~~~仲"踎" 低呢~~之後睇人地玩"笨豬跳"~~~~之前睇雜誌介紹都覺得好有興趣,可惜個團只比我地逗留向o個度半個鐘到,都唔會有時間玩啦!!!如果有機會我都想試下~~~我諗會好有跳樓既feel 呢~~~~~

第五站,去左個公園(唔記得咩野名),o個度有好多好靚既屋仔~~~附近又有"上海灘"周潤發係裡面拍過戲既教堂,又有個湖,上面有好多荷花,好靓~~~第六站,去買手信~~可惜只比左20分鐘我地,又多人,又要試下好唔好食先買,所以唔夠時間買,買左少少就被迫走人....

最後一站,就係帶我地去"澳門安德魯餅店" 食萄撻!不過我同佢都一致覺得唔夠hk 既好食~~~有d 怪怪地既味道!!!但o個間好似幾出名喎~~~可能我地食唔慣個隻味啦!!始終覺得KFC 既萄撻仲正!!!!

今日既行程完lu~~~之後就返酒店check in,食dinner~~~個set dinner 好正好抵,連埋湯,餐飲,甜品,所以好飽呢!!之後我地就步行去萄京附近既海邊睇煙花~~~咁岩呢排澳門每個星期六都有得睇呀~~好似係煙花表演比賽喎~~~今日有日本同英國~~~好靚呀~~~唔計返大陸自己燒個d 煙花呀~~~咁大個女都係第一次親身睇呢d 大型煙花表演,好開心呢~~~~係hk反而冇睇過,睇電視就有....)

今日既行程完lu~~~~好開心呀!!!!!



***11/9星期日***

今日check out後,同佢去左"金莎"賭場~~~不過唔係賭,係食buffet~~~~(不過入場時我比人質疑唔夠18歲....)好正呀,勁多野食,飲品又任飲~~~同埋d 食物質素都好好~~~但都係$130一個人(加埋一),真係唔錯~~~我地狂食魚生~~~食到好飽呢~~~~

食飽就去"新八佰伴" 行下~~~感覺好似返左hk 咁.....因為好似行sogo 既feel~~~~不過都有收穫~~佢買左盒草莓朱古力大褔餅比我~~~可能hk 都有得買,不過咁岩又特價,好抵呢~~!!!!!

行完搭船走lu~~~~今次坐快船,同埋隻船又新淨好多,又冇鴨仔團同船,所以好舒服呢~~~~hm~~~呢兩日都玩得好開心呀~~~~有機會都想再去多次!!!!