嘩!!! 正呀~~~
今日下晝老細同大老細上左大陸, 我個manager又放緊假未返, 呢幾日又冇乜野做, 而家我地成team人好似冇皇管咁… 哈哈… 開心死啦, 不過最衰都係我收風收得慢, 我d同事一早知道晒, 而我仲慒盛盛lunch咁鬼準時返… 而家我個人就坐左係位, 但係我個靈魂已經跟住ie上既畫面周圍走啦~~~

其實我間公司咁好, 唔明點解會有人走, 繼上次肥同事做錯野要走之外, 琴日亦都有個女同事last day, 我仲要咩都唔知, 係佢5:30出email同大家say goodbye果時, 我冇睇到email, 出左去toilet, 出到lift見到佢我仲同平時一樣同佢笑下就算,返到位睇email我先知係佢last day, 突然間好唔捨得佢呀, 因為佢好好人架, 我之前試過整唔見左佢幾份文件佢都冇嬲我呀, 仲要唔係一次架, 唔知點解次次唔見野都有佢d野份既… 而且佢仲成日同我講野架… 死啦, 琴日我同佢笑一笑就算, 又唔問候下, 佢會唔會以為我好冷淡呢?