今日俾我D同事發現左我一個弱點, 事情是這樣的…

今日出去reception攞嘢時, 發現台上有一盆好靚既花, 咁我就問reception姐姐:”盆花好靚喎, 叫咩名呀?”, 佢就話:”羚蘭…”, 我又問: “盆花真架?”, 佢又話:”係呀, 仲好香架…” 咁我就二話不說咁”聞”下佢啦, 跟住我話:”唔香既?”, 佢又話:”而家都未開晒, 遲d先香架…”, 此時, 另外一個reception姐姐忍唔住說:”唔好呃佢啦, 盆野假架, 你唔好咁易信人先得架…” 我平時見佢地咁正經, 真係冇諗過佢地都會呃人, 不過諗諗下我都幾白痴, 其實我好多日之前都見過盆花, d花都冇大過又冇謝喎, 都應該知係假啦~~~

呢件事又令我諗返起以前係lab度有個人講過:”唔知點解見到你個樣就好想呃你…” 唔通個reception姐姐又係咁?

Ps. 打緊日記時個同事又成日同我講野, 好煩呀, 唔可以俾公司既人知架ma~~~