琴日我同Mark, Alfred, Jan一齊去道風山教會崇拜, 咁涷既天氣去D咁既地方真係唔好受, 不過上到去之後覺得好藉得, 無論係環境, 氣氛同埋與神之間既關係都有重新既體會…

估唔到香港仲有d咁有武俠小說感覺既地方，　該教會本來係一座俾和尚修行既地方，　之後就俾左教會，　教堂保留左原本既中式設計，　一路行覺得自己好似去左武當山咁… 我地入左去一間唔係成日開放既祈禱室, 個祈禱室其實係一個小山洞, 只能容納四至五個人入內 (之前覺得我地得四個人太少, 宜家卻覺得剛剛好!!!) 一入到去就見到一句句子 “放下重擔”, 在這句句子對面卻寫著 “背起十架”, 這兩句句子寫出了每一個基督徒應做的事, 就是要放下生活中的重擔, 才有能力背起神的十架, 可惜我未能做到… 我們四人每人站在祈禱室的一個角落, 開聲禱告, 可能是回聲的關係, 會發現前面的人禱告的聲音卻從自己的身後傳出, 好似有人在我身後支持我一樣… 就這樣, 我們就準備我們的心去崇拜.

進入崇拜的時候, 講員講”創世記”第一章第一節, 是全本聖經既開首, 亦是我讀得最多的經文, 因為每次”的”起心肝要讀晒全本聖經都是由這裏開始, 但結果就-.-! 講員說神創造世界, 把空虛混沌, 淵黑暗既空間變成井然有序既世界, 祂也照樣能把人空虛混沌既心靈變得井然有序… 神是有這樣的能力, 只在乎人有沒有用心去感受

就這樣我們四人都帶著各自的令受下山去, 就好似在武當山修成正果一樣下山去了…


ps:聽講上年中秋節我哥帶左班教友去道風上玩, 結果嘈得濟俾人話左兩次, 白痴!!!