今日起身開始到出門口一共飲左4杯荷葉水...不過並沒有所謂既”野”出既現象發生...唔通”冇料到”?!
不過我依然相信荷葉水本身係有清熱解毒的作用,就算冇肚瀉的現象都起碼可以清番琴晚去食燒烤既毒出黎啦..哈哈!所以我都係繼續飲...
由於早餐冇食野,中午就食得好豐富下.之後去左江安度行左兩個小時,算叫做係出左身汗= =
番到屋企食飯前飲左兩大杯水,食左小半碗飯...(不過食餸就食多左咁!!)
食左飯後係屋企灘左一個鐘就同細佬落街沿住河邊行,我地一直係快行,一來一回用左54分鐘,估計行左5.4km(成績唔錯第一次行)行完後個感覺好好^^出左一身汗...成個人都好舒服!
所以我唸過不如就一日行兩次,朝早一次,夜晚一次..估計每日咁行應該可以做番之前中學戈時一日4次行路番學..戈時既小腿有幾瘦...呵呵^^
5個月=30x5=150天
150天x2=300次
呵呵...
睇到都覺得開心死呀!!
估計45kg離我不遠了...