今日睇左好多野,放學返黎,冇咩做,又唔想做其他野,於是想睇戲,之前download左好多套戲都未睇,今日突然想睇~首先睇左"地下鐵",跟住過幾個鐘,睇左"大隻佬",
夜d睇埋套"豪情"~
其實,好多時響睇一齣戲既時候,都會響戲入面睇出好多野,除左戲入面既內容情節外,有好多係導演既編排,佢所想表達既情感,每一個shot都充滿住,好多人睇完一套戲之後,會話"好悶","都唔知佢講咩既!","無聊到爆~".....等等既說話,其實可能係......佢地睇唔明je,我諗,一套戲既拍攝,導演係放左好多心血入去,佢唔會做一d冇意思既野,佢一定有佢想表達既訊息響度,明唔明係因人而已~
每個訊息當中,有d可能係拍出人既心聲,有d係拍出一個道理,或者係一個領悟....
要由讀者自己去理解,去探討,所以....每套戲都有令有去思考既地方~

好老土咁講句,所謂既"戲如人生,人生如戲",留傳e句野咁耐,的確係有佢既價值響度既....好似"地下鐵"e套戲咁,佢描述d野好細緻,將一個盲人既內心,及細小既小節都描得好好~戲入面所表達出,人響生命入面,就好似上左一列地下鐵咁,繞黎繞去,都唔知自己響邊個站先應該落車~冇錯,人就係咁,有時到你想落車既時候,你會諗...下個站先落會唔會近d呢?~往往因為e d咁既原因,而錯失左好多機會,因為有時,有d野可能好近,但愈繞路,搵更快既方法時,就會愈黎愈遠;亦有d可能係太心急,因而落錯車站.........

凡事有因必有果既e種佛家既講法,其實未嘗冇佢既道理~每樣野,有開始,就自然會有結果,有好既開始就有好既結果;開始時冇諗過結果,而草草咁完成,唔好受始終係自己~好簡單既人生道理,但....人就係咁,好鐘意呃自己.....

我睇"豪情"之前,曾經問過d睇左既朋友and同學,佢地都話唔好睇,話好無聊~我之前都諗,只係一齣咸片黎je,係一齣無聊攪笑戲黎je~但我睇完之後,發覺自己係唔應該咁諗....其實,e套戲想拍出既意思,亦係好有價值,我唔知人地點睇,有咩感覺~我自己就覺得,事實就係咁,最好既朋友都好,有金錢上既關係,就會有衝突,有d野係明明自己好鐘意既,最後都會唔知點解放佢走,最後.....自己會好後悔,但...係冇人會知ga,只會係自己辛苦~最後果part,都有感人既位,其實....就係咁簡單....

唔知自己係成日多野諗定係點,每條問題,都會諗得好深入,有時唔知會唔會過左火位,不過每次都啟發左好多野~我諗....e d算係學到既得著同經驗~

除左睇左3套戲之外,仲睇完一套叫"親親小魔女"既漫畫,畫功都唔錯,係我鐘意果類型,女主角仲好靚,好好身材,好可愛tim~係我睇過咁多漫畫入面,除左桂正和既"I's"之外,e本都算係第2本吸引我既漫畫既女主角lu~

今日都算做左好多野,算係"他條"左一日ga喇~
充實la~~~~